Bloggus maximus

Jæja, það var tekin ákvörðun á heimilinu að Hekla fær ekkert að blogga meira sjálf :) Nú ætlum við foreldrarnir að taka yfir bloggið - þvi það eru fleiri litlir bloggarar á leiðinni í heiminn sem vilja fá að nota síðuna líka :)
En af okkur er það að frétta að við foreldrarnir liggjum hérna í sitthvorri tölvunni hálf vængbrotin heima því litla stelpan okkar er í sleep over í leikskólanum sínum. Hún mætti klukkan 20.00 í skólan vopnuð tannbursta og vasaljósi. Svo mætum við foreldrarnir í fyrramálið í morgunmat klukkan 9.00. Það er alveg merkilegt hvað vantar mikið þegar hún er ekki heima!
En nú styttist í heimför hjá okkur, c.a 2 1/2 mánuður þangað til við snúum aftur til Íslands. Ég minntist á það við hana Heklu um daginn að hún færi í íþróttaskóla þegar við kæmum heim í haust og hún hefur minnst á það af og til síðan. Hún er mikill íþróttaálfur þessi stelpa, hún gerir allskonar æfingar sem hún apar upp eftir sjónvarpinu og fólki sem hún hefur séð í görðunum hérna í Madrid. Auk þess er hún farin að fara í kollhnís!
Eins og á mörgum barnaheimilum eru lesnar bækur fyrir svefninn hér. Góða nótt Einar Áskell er ein af þeim bókum sem oft eru lesnar. Hún hefur nú lært marga ósiðina úr þeirri bók :) en hún kann hana greinilega alveg utanaf því í dag sótti hún bókina inn í herbergi og "las" hana spjaldana á milli fyrir heimilisfólkið :)
Svo finnst henni rosalega gaman að segja okkur sögur. Hún segir okkur oft sögur þegar við hittumst eftir daginn og það er svo skemmtilegt að það koma risaeðlur við sögu í hverri frásögn. Sögurnar eru oft á þá leið að það koma 1-2 setningar og svo "og svo kom risaeðla" með mikilli áherslu :)