Allt í graut :)

Þá er pabbi gamli kominn heim úr ferðalaginu. Gott að fá hann heim. Hann keypti fullt af rosalega fallegum fötum á mig sem hann valdi alveg sjálfur.....mamma var nú bara stollt af honum að hafa staðið sig svona vel í að velja föt á stelpuna sína. En ég er alltaf að taka inn sýklalyfið mitt, amoxilav eða hvað það nú heitir og það gengur bara vel, fer ekkert svo illa í mig. Annars er ég bara voðalega hress og amar ekkert að mér.
Í fyrradag fékk ég graut í fyrsta skipti. Mömmu finnst ég vera orðin svo stór stelpa að hún vill fara gefa mér mat! Mér fannst hann eitthvað aðeins skrýtinn fyrst, setti upp smá ygglubrún, en svo fattaði ég hvað þetta bragðaðist vel og vildi meira. Í gær fékk ég svo aðeins meira og sýndi mömmu að það verður sko ekki vandamál að koma grautnum ofaní mig :)

kv.Hekla María stóra stelpa