Hæ!

Hæ hó. Ekki jibbí jei þó. Vona að enginn af 3 lesendum vefsins hafi gefist upp á bloggleysinu okkar. Það er auðvitað mikið að gerast hjá mér, í þroska og vexti almennt. Ég er að reyna slá íslandsmet innanhús í svefnleysi á nóttinni og það gengur bara mjög vel :) Ég æfi mig á hverri nóttu og M&P standa eins og klettur með mér í æfingunum. En ég er að taka fleiri tennur líka sem hefur haft þær afleiðingar að ég er búin að vera með smá nefrennsli, smá hita og svo eins og áður sagði alltaf að vakna á nóttinni. En annars er ég bara orðin rosa klár í að standa upp og meira að segja farin að labba aðeins með. Ég er líka farin að borða fullt af venjulegum mat, fæ smakk hjá mömmu og pabba og stundum borða ég bara það sama og þau í kvöldmat. Já og svo aðal fréttirnar og kannski ástæðan fyrir þessu bloggleysi - mamma er farin að vinna og pabbi kominn í frí til að hugsa um mig!
Tékkið á myndunum, var að bæta við fullt af myndum í júní möppuna og júlí myndir koma fljótlega.