Við erum komin heim frá London heil á húfi :) Ferðin gekk bara mjög vel, fyrir utan smá breytingar á handfarangri á leiðinni heim :) En það var gaman í London og mér fannst sérstaklega gaman að fá eyða tíma með krökkunum, Nönnu Björgu og Óla Birni. Mér fannst Nanna alveg skemmtileg en ég dýrkaði Óla Björn! Vildi alltaf vera knúsa hann og kyssa :) Við fengum rosalega fínt veður allan tíman og það var virkilega notalegt að fá að vera í húsinu hjá Gunnu og Co.
En það er komin ein tönn í viðbót. Áttunda tönnin mætt. Þá eru þær orðnar 4 í efri góm og 4 í neðri góm. Þetta var í fyrsta skipti sem það bar virkilega á þvi að það væri að koma tönn. Ég var óvær í heilan dag og slefaði mikið.
En næturnar ganga mjög vel, ég sef bara eins og engill, vakna stundum en það er ekkert á við það sem var. Ástæðan? Jú ég er sko hætt á brjósti takk fyrir! Það gerðist svona nokkuð af sjálfu sér og ég fór að sofa betur um leið og það gerðist og allir ánægðir :)
Komnar inn fullt af nýjum myndum. Bætti við Júlí myndirnar og svo eru komnar nokkrar London myndir inn í ágúst möppuna. Enjoy.