Sunddrottning

jamm þá er sundferillinn hafinn. Fórum í fyrsta ungbarnasunds tímann á föstudaginn. Erum hjá henni Birnu í Mýrinni í Garðabæ. Þetta er rosalega gaman, mér finnst mjög gaman í lauginni og er ekkert hrædd. Við gerðum allskonar æfingar, ég var látin liggja með höfuðið upp og eyrun ofan í lauginni, við sungum og gerðum æfingar með söngnum. Í lokin sungum við svo draumahöllina til að slaka aðeins á eftir lætin. Í næsta tíma eiga svo þau okkar sem eru tilbúin að kafa, að prófa það. Kemur í ljós hvort ég prufa það á þriðjudaginn eða hvað.